domingo, 20 de outubro de 2013

Rúa da Luz, de Sibila…

   
  Rolda por Rúa da Luz
unha sombra silandeira
no tobogán da soleira:
baixa, sobe, cara ou cruz.

  Debruza a sede, avestruz,
de constante cabaleiro,
na Fonte do Castiñeiro,
reverente, a contraluz.

  Fortalece monodía
reproducir pola vía
unha rutina refén
de cabal monotonía.

  No peto a chave da vila,
a dos secretos tamén,
exerce de palafrén,
Rúa da Luz, encandila…

  cunha vela na mochila
por Miraflores, ¡amén!


 (Rioderradeiro)


Sem comentários: